"საუთჰემპტონის" მცველი, ნათან კლაინი იმედოვნებს რომ ამ სეზონს "წმინდანებში" ჩაამთავრებს, მაგრამ ამასთანავე კონტრაქტის გახანგრძლივებას არ ჩქარობს. გამომცემლობა MirrorSport აცხადებს, რომ ინგლისელს არ აქვს სურვილი კლუბი ამ სატრანსფერო ფანჯრის დროს დატოვოს.
"ეშმაკების" რადარზე 23 წლის "წმინდანი" შესანიშნავი სეზონის შემდეგ გამოჩნდა და "იუნიატედს" სურვილი აქვს მათ კიდევ ერთი ფეხბურთელი დაიმატონ "საუთჰემპტონიდან". თავად "წმინდანების" უფროსობა კი ნათანს ახალ კონტრაქტს სთავაზობს, რათა შესაძლო ტრანსფერის პრევენცია მოხდეს.
როგორც უკვე ვთქვით ნათანი ჯერ გადაწყვეტილების მიღებას არ ჩქარობს, მაგრამ ზაფხულში მას უკვე კლუბთან 12 თვიიანი თანამშრომლობის პერიოდიღა ექნება დარჩენილი და საშიშროება იმისა, რომ იგი თავისუფალი აგენტის სტატუსით დატოვებს კლუბს, დიდია.