მარუან ფელაინის სურს, რომ "მანჩესტერ იუნაიტედმა" ინგლისის თასზე მოპოვებული გამარჯვებებით გამოწვეული მუხტი შეინარჩუნოს.

რიჩარდ მანის გუნდს მარუანმა დიდი პრობლემები შეუქმნა და პირველ ტაიმში გატანილ ორივე გოლში ბელგიელს წვლილი მიუძღვის.

მარუანი სულ მეორე სეზონს ატარებს "იუნაიტედთან" ერთად და ტიტულის მოგება სურს.

ინგლისის თასი კი ამის გაკეთების შესანიშნავი შესაძლებლობაა, რადგან პრემიერ ლიგის სატურნირო ცხრილის ოთხეულში მყოფი გუნდებიდან ტურნირს მხოლოდ "იუნაიტედი" შემორჩა და მომდევნო ეტაპზე "პრესტონს" ხვდება.

"ინგლისის თასი ძალიან დიდი ტურნირია, ასე რომ, კარგია იქ ყოფნა.

ახლა მომდევნო რაუნდზე უნდა მოვახდინოთ კონცენტრაცია და ბევრს ვიმუშავებთ, რათა შემდეგ ეტაპზეც გავიდეთ.

დაბალი დივიზიონის გუნდების წინააღმდეგ თამაში რთულია, მაგრამ ეს ინგლისის თასია. მატჩის მოგება ყველას შეუძლია, სწორედ ამიტომ უნდა ვიყოთ კონცენტრირებულნი.

როცა გოლს იტან და იმარჯვებ, ეს თავდაჯერებულობას არგებს - როგორც მოთამაშეებისა და კლუბის, ისე მხარდამჭერების - ამიტომ მუხტი უნდა შევინარჩუნოთ." - განაცხადა ფელაინიმ.

ბელგიელმა ფეხბურთელმა მთელი მატჩი თავდამსხმელად ითამაშა, რაც ვან გაალის თქმით, მისივე მითითება იყო.

"ყველაფერი რიგზეა. მწვრთნელს სურდა იქ მეთამაშა, ასე რომ, კარგი იყო. მე ვითამაშე, ჩვენ მოვიგეთ, ეს თავდაჯერებულობისთვის სასარგებლოა.

ყველაზე მნიშვნელოვანი კი მატჩში გამარჯვება და მომდევნო ეტაპზე გასვლაა." - დაასრულა ფელაინიმ.

წყარო: M.E.N.