ლუი ვან გაალი აცნობიერებს, რომ ინგლისის თასი "მანჩესტერ იუნაიტედის" გულშემატკივრებისთვის ძალიან მნიშვნელოვანია, მაგრამ კლუბისთვის ჩემპიონთა ლიგის საგზური უფრო მეტ მნიშვნელობას ატარებს.

მიუხედავად იმისა, რომ ვან გაალი ოთხეულში მოხვედრას კლუბისთვის გაცილებით მნიშვნელოვან მოვლენად მიიჩნევს, 12 წლის განმავლობაში ინგლისის თასის პირველად მოგება მისი უმთავრესი მიზანია. "იუნაიტედი" მიმდინარე თვეში ნახევარფინალურ შეხვედრას "ევერტონის" წინააღმდეგ გამართავს, ამის ფონზე კი პრემიერ ლიგაში მეოთხე ადგილის დაკავებისთვისაც იბრძვის.

"უკვე ვთქვი, რომ კლუბისთვის უფრო მნიშვნელოვანია ოთხეულში მოხვედრა, რადგან ჩემპიონთა ლიგა უმაღლესი დონეა, "მანჩესტერ იუნაიტედის" მსგავსი კლუბი კი უმაღლეს დონეზე უნდა თამაშობდეს.

თუმცა ტიტულიც ფანტასტიკურია, რა თქმა უნდა, მით უმეტეს, ინგლისის თასი, რადგანაც დიდი ხანი გავიდა მას შემდეგ, რაც ბოლოს მოვიგეთ.

გულშემატკივართა ბედნიერებას დაინახავთ ქუჩაში ასე ხშირად არ გავდივარ, მაგრამ ჩემს სტილისტთან ვიყავი და ვნახე. მანქანები ჩერდება და ხალხი სურათის გადაღებას მთხოვს.

გულშემატკივართა შორის აჟიოტაჟია ატეხილი. სასიამოვნოა იმის ხილვა, რომ მათ ასე სწყურიათ ინგლისის თასი, მაგრამ ჯერ "ევერტონი" უნდა დავამარცხოთ", - განაცხადა ვან გაალმა.



წყარო: manutd.com