ანდერ ერერა ეჭვმიტანილია.
ანდერ ერერას ჩაწყობილი მატჩების ორგანიზებაში ადანაშაულებენ.
ესპანური მედიის ცნობით "მანჩესტერ იუნაიტედის" ახალწვეულს მომდევნო კვირაში სასამართლო პროცესს გაუმართავენ.
ესპანეთის ნაკრების ფეხბურთელი იძულებული იქნება ვალენსიაში გაფრინდეს, რათა სასამართლოს ჩვენება მისცეს.
იმ შემთხვევაში, თუ ერერას ბრალი დაუმტკიცდება, მას ან ჯარიმას დააკისრებენ, ან ციხეში ჩასვამენ. საუბარია პერიოდზე, როცა ერერა "სარაგოსაში" ასპარეზობდა.
2010-11 წლების სეზონში "სარაგოსას" პრიმერაში დარჩენისთვის "ლევანტეს" დამარცხება სჭირდებოდა, რაც მოახერხა კიდეც (2-1).
წინასწარმა გამოძიებმა აჩვენა, რომ ანდერმა, ისევე როგორც "სარაგოსას" რამდენიმე ფეხბურთელმა თავისი საბანკო ანგარიშიდან მნიშვნელოვანი თანხის გადარიცხვა განახორციელა.
როგორც მოსალოდნელია, სასამართლო მომდევნო კვირაში გაიმართება და მასზე "სარაგოსას" 2010 წლის გუნდის ყველა წევრი დაიკითხება, მათ შორის "სუონსის" ფეხბურთელი, ჯეფერსონ მონტერო.
"მანჩესტერ იუნაიტედი" ამ საკითხთან დაკავშირებით კომენტარის გაკეთებას არ ჩქარობს.
წყარო:
mirror