მარკოს როხო აცხადებს, რომ "მანჩესტერ იუნაიტედის" თამაშების გამოტოვება მისთვის ძალიან სამწუხაროა და იმედი აქვს, რომ ახალი წლის დღეებში დაბრუნდება.

არგენტინელი ფეხბურთელი "საუთჰემპტონთან" მოპოვებული გამარჯვების შემდეგ უქმობს და ოთხ მატჩში ვერ მოახერხა მონაწილეობის მიღება - "ლივერპული", "ასტონ ვილა", "ნიუკასლი" და "ტოტენჰემი".

"ეს არის ის, რაც არ გინდა რომ ოდესმე გამოსცადო. შენ ყოველთვის მოედანზე გასვლა და თანაგუნდელების დახმარების სურვილი გაქვს."

"ძალიან არ გამიმართლა, რადგან ბოლო პერიოდში ტრავმებმა შემაწუხეს და ეს ძალიან არ მომწონს. საშინელებაა ვარჯიშების გამოტოვება და გუნდისგან მოწყვეტა. იმედი მაქვს ფორმას მალე აღვიდგენ და ტრავმას აღარასდროს მივიღებ, რადგან ეს არასდროს არ არის კარგი."

"ახლა რამდენიმე თამაშის ჩატარება მოგვიწევს ერთი მეორის მიყოლებით. სწორედ ეს მინდა - რაც შეიძლება მალე აღვიდგინო ფორმა და გუნდს ხელი შევუწყო."

"მწვრთნელს სურს რაც შეიძლება მეტი ფეხბურთელი ჰყავდეს ხელმისაწვდომი ასეთ გადატვირთულ პერიოდში. ეს არის სეზონის ყველაზე მნიშვნელოვანი პერიოდი, როცა გუნდი მოკლე პერიოდში უამრავ მატჩს ატარებს." - განაცხადა როხომ.

წყარო: manutd.com