"მანჩესტერ იუნაიტედი" 4 თებერალს "კემბრიჯ იუნაიტედს" ინგლისის თასზე "ოლდ ტრაფორდზე" უმასპინძლებს.
ამ გუნდებს შორის პირველი მატჩი "ები სტედიუმზე" 0-0 დასრულდა, რამაც "წითელ ეშმაკებს" იმედები გაუცრუა, თუმცა რობინ ვან პერსი აცხადებს, რომ განწყობა მალევე შეეცვალა. "კემბრიჯთან" მატჩის შემდეგ ყველა ცუდ ხასიათზე დადგა. მაგრამ ისინი კარგად თამაშობდნენ, რის გამოც უნდა შევაქოთ, რადგან მათი შედეგი ამას იმსახურებს.
თუმცა შაბათს განწყობა შეგვეცვალა. "მანჩესტერ სიტი" გავარდა, "ჩელსი" გავარდა და ეს ყველაფერი უცებ მოხდა, ჩვენ კი სახლში "კემბრიჯს" ვხვდებით.
და ე.წ. დიდი კლუბებიდან ამჟამად მხოლოდ "არსენალი", "ლივერპული" და "ვესტ ჰემი" შემორჩა, მაგრამ მთელს ტურნირზე ჩვენ ყველაზე დიდი კლუბი ვართ. ვფიქრობ, 11 წელი გავიდა მას შემდეგ, რაც "იუნაიტედმა" ინგლისის თასი მოიგო, მაგრამ წელს კარგი შანსი გვაქვს.
გამარჯვება გვინდა. მაგრამ პირველ რიგში შემდეგ თამაშს უნდა მივაქციოთ ყურადღება, რომელშიც "კემბრიჯს" ვხვდებით." - განაცხადა ვან პერსიმ.