მის ირგვლივ არსებული გამოცდილი ხალხის შემხედვარე ჯეიმს უილსონი აცხადებს, რომ "მანჩესტერ იუნაიტედში" ყოფნის პირველივე სეზონში საუკეთესო ადამიანებისგან სწავლობს.

19 წლის ფეხბურთელმა მიმდინარე სეზონში ყველა ტურნირზე 15 მატჩი ჩაატარა და ორი გოლი გაიტანა, რაც ნამდვილად არ არის ცუდი შედეგი იქიდან გამომდინარე, რომ კონკურენიციის გაწევა ვან პერსის, უეინ რუნისა და რადამელ ფალკაოსთვის უწევს.

"სამივე მათგანისგან ვსწავლობ და თითოეულისგან განსხვავებულ რამეს. ყოველდღიურად მათთან ერთად ვარჯიში და მუშაობა ჩემთვის დაუჯერებელია, რადგან ჯერ კიდევ ბევრი რამ მაქვს სასწავლი.

ეს გუნდში ჩემი პირველი სეზონია, ასე რომ, მათთან ერთად იმდენი უნდა ვივარჯიშო, ვიყო ფორმაში და ვისწავლო, რამდენიც შემიძლია. რამდენიმე ისეთი მომენტი მქონდა, როცა მინდოდა ვინმეს გავეღვიძებინე, რადგან თავი სიზმარში მეგონა." - განაცხადა უილსონმა.

უილსონს შეუძლია ვან გაალის იმედიც ჰქონდეს, რომელმაც უკვე აჩვენა თავისი რწმენა, მას შემდეგ, რაც მთავარ მწვრთნელად დაინიშნა.

"უმაღლესი დონის მწვრთნელია. ვარჯიშებზე ყველას 100%-ით დახარჯვას სთხოვს და ძალიან შთამაგონებელია. თუ მისი დახმარება გჭირდება, შეგიძლია უბრალოდ მიხვიდე და სთხოვო. არ ეკუთვნის იმ ადამიანთა რიცხვს, ვინც დისტანციას იჭერს, სალაპარაკოდ დროს აუცილებლად გამონახავს, ეს კი კარგია ჩემთვის." - დაამატა ჯეიმსმა.

როცა მთავარი მწვრთნელის ასისტენტთან, რაიან გიგზთან ურთიერთობის შესახებ ჰკითხეს, მან უპასუხა: "ჩემთვის დიდებულია მასთან ურთიერთობა, რადგან უდიდესი გამოცდილება აქვს.

როცა რჩევა მჭირდებოდა, რამდენიმეჯერ ვესაუბრე. მასთან დაახლოება ძალიან ადვილია და როცა გინდა ვინმეს ესაუბრო, ის საუკეთესო არჩევანია. გიგზი ყოველთვის თავისუფალია და ნებისმიერ წამს შეგიძლია მოიხმო, როცა გჭირდება."

უილსონს ისიც ჰკითხეს, რამდენად შეიცვალა მისი ცხოვრება გასული წლის შემდეგ.

"სიმართლე გითხრათ, ძალიან არ შეცვლილა. როცა გარეთ გავდივარ ცოტა ხალხი მცნობს და არა ყველა. ერთადერთი ცვლილება ისაა, რომ ჩემმა მეგობრებმა ჩემთან ლაპარაკს უფრო მოუხშირეს."

წყარო: manutd.com