თანამშრომლობის განმავლობაში "მანჩესტერ იუნაიტედმა" და ხორხე მენდეშმა საერთო ჯამში 229.3 მლნ. ფუნტის ღირებულების ტრანსფერები განახორციელეს.

პორტუგალიელი სუპერაგენტი მსოფლიო ფეხბურთში ერთ-ერთ ყველაზე გავლენიან ფიგურად ითვლება და "წითელ ეშმაკებთან" ახლო ურთიერთობა აქვს - ერთად უამრავი ტრანსფერი განახორციელეს და მათ შორისაა კრიშტიანუ რონალდუს "რეალში" გაყიდვა 80 მლნ. ფუნტად.

ამჟამად "მანჩესტერ იუნაიტედში" მენდეშის კლიენტებიდან დავიდ დე ხეა, ანხელ დი მარია და რადამელ ფალკაო ირიცხებიან.

გასულ ზაფხულს ხორხემ თავისი საკომისიო მიიღო დი მარიას "იუნაიტედში" გადასვლის გამო.

მიმდინარე სეზონის ბოლოს კი მის შემოსავალს შესაძლოა კიდევ დაემატოს გარკვეული თანხა, თუ დავიდ დე ხეა ახალ კონტრაქტს გააფორმებს, ხოლო რადამელ ფალკაოს "იუნაიტედი" შეიძენს.

2010 წლის ზაფხულში მენდეშმა 3.6 მლნ. ფუნტი მიიღო "იუნაიტედში" ბებეს გადასვლის გამო მიიღო.

წყარო: fapl.ru