პსჟ-ს პრეზიდენტი ნასერ ალ ხელაიფი აცხადებს, რომ "მანჩესტერ იუნაიტედს" ედინსონ კავანის შესაძენად 50 მლნ. ევროზე მეტის გადახდა მოუწევს.

ლუი ვან გაალის სახელს 28-წლის ფორვარდს რობინ ვან პერსისა და რადამელ ფალკაოს ბუნდოვანი მომავლის გამო უკავშირებენ.

ფრანგული კლუბის პრეზიდენტი ჰოლანდიელ სპეციალისტს აფრთხილებს, რომ ურუგვაელის შეძენის სურვილის შემთხვევაში, რომელმაც 2013 წლის შემდეგ პსჟ-ს რიგებში ჩატარებულ 89 მატჩში 48 გოლი გაიტანა, დიდძალი თანხის გადახდა მოუწევს.

"კავანისთან მისი მომავლის თაობაზე მოლაპარაკებები არ გამიმართავს. ის ახალგაზრდა მოთამაშეა და პსჟ-ს მომავალია.

50 მლნ. ევრო "მანჩესტერ იუნაიტედისგან"? ასეთ წინადადებას არც კი დავხედავ.

ედინსონს უფრო მეტი თავდაჯერებულობა სჭირდება, მაგრამ "ლილის" წინააღმდეგ მის მიერ გატანილმა ორმა გოლმა მისი ნიჭი უკვე აჩვენა", - განაცხადა ალ ხელაიფიმ.

წყარო: M.E.N.