რაიან გიგზი აცხადებს, რომ ვან გაალთან ერთად მუშაობით დიდ სიამოვნებას იღებს და სურს რაც შეიძლება მეტი ისწავლოს მისგან.

40 წლის უელსელმა საფეხბურთო კარიერა დაასრულა და მაისში ლუი ვან გაალის ასისტენტი გახდა, რითაც მოხიბლულია.

რაიანმა გასული სეზონის უკანასკნელი 4 შეხვედრა მოთამაშე მწვრთნელის რანგში ჩაატარა. დევიდ მოიესის გუნდიდან გაშვების შემდეგ სწორედ მან ჩაიბარა "მანჩესტერ იუნაიტედი" და აცხადებს, რომ ვან გაალის შესახებ გავრცელებულ ხმებს ყურს არ უგდებდა, მხოლოდ მატჩზე ფიქრობდა.

"მე მთლიანად ოთხ თამაშზე ვიყავი კონცენტრირებული. სხვა არაფერზე ვფიქრობდი. ჭორები სულ უფრო და უფრო ძლიერდებოდა იმის შესახებ, რომ ლუი ვან გაალი გუნდის ჩაბარებას აპირებდა - ამას თქვენც ადასტურებდით, მაგრამ მე მხოლოდ ოთხ თამაშზე ვფიქრობდი." - განაცხადა გიგზმა.

როცა ჰკითხეს ვან გაალთან ურთიერთობის შესახებ, გიგზმა დაამატა: "კარგი ურთიერთობა გვაქვს. ძალიან კარგად მეპყრობა და დიდი პასუხისმგებლობა დამაკისრა."

"სანამ შემხვდებოდა არ მიცნობდა, მაგრამ წინასასეზონო ტურნე დაგვეხმარა, რადგან სამ კვირას ერთად ვატარებდით და ერთმანეთი სწრაფად გავიცანით. ასეთი საშუალებით არა მარტო მწვრთნელს, არამედ მთელ შტაბს ეცნობი."

"მე ვიცნობ კლუბს, მე ვიცნობ კულტურას და ვცდილობ დავეხმარო, მაგრამ მას ნამდვილად აქვს გამოცდილება, რაც უამრავი კლუბის წვრთნით დაუგროვა."

"ერთმანეთისგან იმდენს ვსწავლობთ, რამდენიც შეგვიძლია. ზოგიერთ ფეხბურთელს კარგად ვიცნობ, რადგან მათ წინააღმდეგ მითამაშია."

"ეს მხოლოდ ერთმანეთისთვის დახმარების მცდელობაა, თუმცა მწვრთნელი ის არის და გადაწყვეტილებებსაც ის იღებს, მე კი ვცდილობ მისგან ვისწავლო."

წყარო: dailymail