თქვენი თამაშის რომელი ნაწილი განვითარდა "იუნაიტედში"?

აქ უკვე ოთხი წელია ვიმყოფები და ვფიქრობ, რომ ჩემი მეკარეობის თითოეული ასპექტი გაუმჯობესდა. რთულია რომელიმე ცალკეული ასპექტი გამოჰყო, რადგან ჩვენ ყველაფერზე ვმუშაობთ და ვავითარებთ.

რამდენად დაგეხმარათ ინგლისურად ლაპარაკი თქვენ მცველ თანაგუნდელებთან მიმართებაში?
ვფიქრობ, ინგლისური გასახდელში უფრო მნიშვნელოვანია. ეს მოედანზეც გჭირდება, რა თქმა უნდა, მაგრამ გასახდელში უფრო მეტად. ვფიქრობ, ის ფაქტი, რომ მე ინტერვიუების გაცემა ინგლისურ ენაზე დავიწყე, ძალიან დამეხმარა და ენის შესწავლაში ეს უფრო მეტად წამადგა.

როცა "იუნაიტედში" გადახვედით, პირველად სავარჯიშო დარბაზში დაიწყეთ მზადება, რაც კუნთების გამაგრებასა და გაძლიერებაში დაგეხმარათ. ეს პროცესი დასრულდა, თუ გრძელდება?

ერთ წელიწადში კაპიტან ამერიკად გადავიქეცი! (იცინის). არა, ამ პროგრამას ისევ მივყვები, მაგრამ არა იმდენად ხშირად, როგორც ადრე. დატვირთვა ახლა უფრო შერბილებულია, მაგრამ სავარჯიშო დარბაზის პროგრამებს მაინც მივმართავ.

ჩვენ ვიცით, რომ მიმდინარე სეზონში უფრო მეტი ჩაწოდება დაიჭირეთ. ამაზეც მუშაობდით ვარჯიშებზე?

შესაძლოა ეს ახლა შეამჩნიეთ, მაგრამ მე ვფიქრობ, ადრეც ვიჭერდი ჩაწოდებებს. შენ ყოველთვის მუშაობ ვარჯიშზე ბურთის დაჭერაზე და ეს უპირველესი სავარჯიშოა. ეს მეკარის უმთავრესი მიზანია. როგორც უკვე ვთქვი, შესაძლოა თქვენ მხოლოდ ახლა შეამჩნიეთ, მაგრამ მე ამის გაკეთებას ყოველთვის ვცდილობდი.

თქვენი კარიერის საუკეთესო ფორმაში იმყოფებით, მაგრამ თქვით, რომ სასწავლი ყოველთვის არსებობს. არსებობს განსაკუთრებული ასპექტი, რომლის გაუმჯობესებასაც ცდილობთ?

ისევ, არ აქვს მნიშვნელობა რამდენად ბრწყინვალე ფორმაში იმყოფები, შეგიძლია ყოველთვის გაუმჯობესდე და ყოველთვის არსებობს შენი თამაშის ასპექტი, რომლის გაუმჯობესებაც შეგიძლია. შეგიძლია ყველაფერი გააუმჯობესო. არ აქვს მნიშვნელობა რამდენად მიაჩნია ხალხს, რომ კარგად თამაშობ, ან რას ფიქრობ საკუთარ თავზე შენ, შენი თამაში ყოველთვის საჭიროებს მუშაობას. იმედი მაქვს უფრო მეტს მივაღწევ.

წყარო: manutd.com