"მანჩესტერ იუნაიტედის" ნახევარმცველი, მაიკლ კერიკი თვლის, რომ რადამელ ფალკაო, უეინ რუნი, ხუან მატა, და რობინ ვან პერსი ერთმანეთს მოედანზე კარგად უგებენ და "ნიუკასლთან" მოპოვებული გამარჯვება მათი დამსახურებაა.

"ეს ოთხი ფეხბურთელი მართლაც მსოფლიო დონისანი არიან. გუნდში ამ მოთამაშეების არსებობა თავისთავად მოიცავს ნამდვილ საფრთხეს და ჩვენ თავდაჯერებულობას გვძენს, რადგან ვიცით, რომ მომენტების შექმნა და გოლების გატანა შეგვიძლია. "ნიუკასლის" წინააღმდეგ ძალიან შერწყმულად მოქმედებდნენ და იმედი მაქვს, რომ უახლოეს კვირაში სხვა მატჩებშიც მსგავს რამეს ვნახავთ."

"ბურთი კარგად გვეჭირა, რამდენიმე მომენტი შევქმენით და მოწინააღმდეგისთვის სახიფათოდ გამოვიყურებოდით. ისინი ძალიან სწრაფად გადადიოდნენ კონტრ-შეტევაზე და ამასთან სიფრთხილე გვჭირდებოდა. მაგრამ საერთო ჯამში უპირატესობას ვფლობდით და ვფიქრობ, რომ ჯამში კარგი გამარჯვება მოვიპოვეთ."

"უკანასკნელი შედეგები თავდაჯერებულობას გვძენს და მწვრთნელს შემადგენლობის მიმდევრობითი ფორმირების საშუალება აქვს, რაც სათამაშო კავშირის დალაგებაში გვეხმარება. ტრავმების გამო დაცვის ხაზში ცვლილებების შეტანა კვლავ გვიხდება, მაგრამ საბოლოოდ, როცა გუნდის შემადგენლობა მეტად მუდმივი გახდება, ეს დამატებითი მუხტი იქნება ჩვენთვის." - განაცხადა კერიკმა.

წყარო: manutd.ru