მაიკლ კერიკი აცხადებს, რომ "მანჩესტერ იუნაიტედი" არ აპირებს ლიდერებთან ბრძოლაში ჩამორჩეს.
ლუი ვან გაალის შეგირდებმა "ნიუკასლის" დამარცხების შემდეგ პრემიერ ლიგის უკანასკნელ 8 შეხვედრაში მე-7 გამარჯვება მოიპოვეს და სატურნირო ცხრილის მე-3 ადგილზე გამყარდნენ. წინ მხოლოდ "სიტი" ("იუნაიტედს" 7 ქულით უსწრებს) და ლიდერი "ჩელსია" ("იუნაიტედს" 10 ქულით უსწრებს).
კვირას "წითელი ეშმაკები" "ტოტენჰემს" ეწვევიან, ხოლო ახალი წლის პირველ დღეს "სტოკ სიტის". კერიკს ესმის, რომ ეს მატჩები გუნდისთვის ძალიან რთული იქნება, მაგრამ აცხადებს, რომ მისი გუნდი საკუთარ ძალებში დარწმუნებულია.
"ბოლო კვირებში ჩვენ თამაშში კარგი ნიშანი შეინიშნება. რა თქმა უნდა, ძალიან იმედგაცრუებულნი ვიყავით იმით, რომ გასულ კვირას "ასტონ ვილას" დამარცხება ვერ მოვახერხეთ, მაგრამ "ნიუკასლის" დამარცხება გამოგვივიდა და ახლა ორი რთული გასვლითი შეხვედრა გველოდება. ეს მატჩები ჩვენი მედგრობის კარგი გამოცდა იქნება და აჩვენებს, თუ როგორ მდგომარეობაში ვიმყოფებით."
"სატურნირო ცხრილის მწვერვალისკენ ვიხედებით და "სიტისა" და "ჩელსისთვის" დაწევას ვეცდებით. მესამე ადგილით არ ვკმაყოფილდებით. ნათელია, რომ ვპროგრესირებთ და სულ უფრო და უფრო უკეთ ვთამაშობთ, ასე რომ, მხოლოდ ლიდერობისკენ სწრაფვა გვსურს."
"ტოტენჰემის" წინააღმდეგ გასვლითი მატჩი ყოველთვის რთული შეხვედრაა, ხოლო ის, რომ იქ "ნიუკასლთან" მატჩშის შემდეგ ჩავდივართ და ნაშუადღევს ვთამაშობთ, მას უფრო რთულს ხდის. მაგრამ ამისთვის მზად უნდა ვიყოთ, ჩვენი მოწინააღმდეგისთვისაც ხომ იგივე პირობებია შექმნილი. ბიჭები მოუთმენლად ელოდებიან ამ მატჩს და ლონდონში საკუთარ ძალებში დარწმუნებულები მიემგზავრებიან." - განაცხადა კერიკმა.