რობინ ვან პერსიმ განაცხადა, რომ მიმდინარე სეზონში თავისი შედეგიანობით კმაყოფილი არ არის.
ჰოლანდიელმა თავდასხმელმა მიმდინარე სეზონში რვა გოლის გატანა მოახერხა და მიუხედავად იმისა, რომ ეს საკმარისია უეინ რუნისთან ერთად კლუბის საუკეთესო ბომბარდირთა დავაში პირველ ადგილზე იმყოფებოდეს, აცხადებს, რომ იმედგაცრუებულია თავისი შედეგით და უფრო მეტი გოლის გატანა სურს, რისთვისაც მუშაობას არ შეწყვეტს.
"ბევრი გოლი ვერ გაგვაქვს, ვერც მე, პატიოსნად უნდა ვაღიარო. ამჟამად საკმარისი არ არის. ეს ვიცი. ყველაფერს გავაკეთებ გაუმჯობესებითვის.
შანსს თითოეულ შეხვედრაში ვიღებ. ამის გამო ბედნიერი ვარ. ერთ ან ორ შანსს ვიღებ, ხანდახან სამსაც. თუ ჩემს მომენტებს შეხედავთ, მაგალითად, "კემბრიჯთან" მატჩში, არ ვფიქრობ, რომ ანხელ დი მარიას დიდებული პასი გავაფუჭე ან უნდა მრცხვენოდეს იმის გამო, რომ დავარტყი.
დარწმუნებული ვარ, თუ იმის კეთებას გავარგრძელებთ, რასაც ვაკეთებთ, მომენტებსაც შევქმნით და გოლის გატანის შანსიც მოგვეცემა.
რამდენ შანსს იღებს თავდამსხმელი თამაშის დროს - ერთს ან ორს? ისინი უნდა გამოიყენო. 1-0, 2-0, 3-0 ანგარიშით მოგებას, ფრესა და წაგებას შორის ძალიან ვიწრო ხაზია გავლებული, რადგან მატჩის ბედი სწორედ ასეთ პატარა მომენტებზეა დამოკიდებული. მას ან იყენებ, ან არა. რომ გამოგვეყენებინა "კემბრიჯთან" 4-2, 3-1, 3-0 ანგარიშით გამარჯვებაც შეგვეძლო.
გუნდში ყველა პასუხისმგებელია. ყველა გრძნობს პასუხისმგებლობას. მეც ასევე. წელს 20 მატჩი ჩავატარე და 8 გოლი გავიტანე. ბედნიერი არ ვარ. მეტის გატანა მინდა.
გავაგრძელებ იმის კეთებას, რასაც ბოლო ათი წლის განმავლობაში ვაკეთებდი. ეს უამრავ ადამიანს გააბედნიერებს, მათ შორის მეც.
ბოლო რამდენიმე შეხვედრაში გოლის გატანა ვერ მოვახერხე. მაგრამ არის ეს ჩემი ბრალი? ამას ყოველთვის ვეკითხები საკუთარ თავს. "ტოტენჰემის" წინააღმდეგ კერიკმა ბურთი მომაწოდა და მე ერთხელ შევეხე, მერე ისევ და ისევ. მარჯვენა ფეხით მომენტის დასრულებას ვაპირებდი. ჩვეულებრივ, 10-დან 9 მეკარე ასეთ დროს გაინძრეოდა, მაგრამ არა იმ დღეს.
როგორც უკვე ვთქვი, ის გოლი რომ გამეტანა, ჩვენ მატჩს მოვიგებდით. მაშინ კი სულ სხვა საუბარი გვექნებოდა. ძალიან ვიწრო ხაზი გადის." - აცხადებს ვან პერსი.