კრიშტიანუ რონალდუს აგენტი იტყობინება, რომ პორტუგალიელს "მანჩესტერ იუნაიტედის" გულშემატკივარი უყვარს, მაგრამ კარიერის დასრულება "რეალში" სურს.
ხორხე მენდეშს მიაჩნია, რომ პლანეტის საუკეთესო ფეხბურთელის ფასი 300 მლნ. ფუნტია და ესეც მხოლოდ იმ შემთხვევაში, თუ "რეალი" მის გაყიდვას მოისურვებს.
"იუნაიტედმა" 2013 წელს რონალდუს დაბრუნება სცადა, მაგრამ პორტუგალიის ნაკრების კაპიტანმა მადრიდულ კლუბთან ახალი კონტრაქტი გააფორმა და გუნდს ჩემპიონთა ლიგის მე-10 ტიტულის მოპოვებაში დაეხმარა.
და მიუხედავად იმისა, რომ რონალდუ, რომელსაც ხვალ 30 წელი უსრულდება, "იუნაიტედის" სიყვარულს ჯერ კიდევ იტოვებს გულში, ესპანეთის დედაქალაქის დატოვებას არ აპირებს.
"მას უყვარს "იუნაიტედის" გულშემატკივარი, ასე მითხრა, რადგან იქ 6 წელიწადი გაატარა.
მაგრამ ახლა "რეალშია" და მადრიდს არ დატოვებს.
კრიშტიანუ მსოფლიოს საუკეთესო ფეხბურთელია, საუკეთესო სპორტსმენი.
ასე რომ, მისი შედარება არავისთან შეიძლება. შეუძლებელია მისი მსგავსი ვინმე იპოვოთ.
თუ რამე მიზეზის გამო "რეალი" რონალდუს გაყიდვას მოისურვებს, მისი ფასი 300 მლნ. ფუნტი იქნება, თუ, რა თქმა უნდა, ვინმე გადაიხდის." - განაცხადა მენდეშმა.