შესაძლოა "მანჩესტერ იუნაიტედმა" ზამთარში წარმატებული სატრანსფერო პოლიტიკა ვერ გაატარა, მაგრამ ზაფხულისთვის მუშაობა უკვე დაწყებულია.
The Insider-ის ცნობით, "წითელმა ეშმაკებმა" დორტმუნდის "ბორუსიას" უკვე მიმართა მარკო როისის ხელმისაწვდომობის თაობაზე.
გერმანიის ნაკრების ფეხბურთელი "სიგნალ იდუნა პარკს" სავარაუდოდ სეზონის ბოლოს დატოვებს და მისი სატრანსფერო ღირებულება 25 მლნ. ევრო იქნება.
მარკო როისით ევროპის სხვა წამყვანი გუნდებიც ინტერესდებიან - "მანჩესტერ სიტი", "რეალი" და "ბაიერნი", მაგრამ გერმანულ კლუბთან დაკავშირება "იუნაიტედმა" უკვე მოახდინა.
"ბორუსიას" სპორტულმა დირექტორმა, მიკაელ ზორკმა განაცხადა: "მსგავსი ჭორები თითქმის ყოველდღე მესმის. არავითარი განვითარება არ არის, მარკო როისთან ერთად მუშაობა ხანგრძლივად გვინდა."