"რეალ სოსიედადის" მთავარი მწვრთნელი, დევიდ მოიესი აცხადებს, რომ "მანჩესტერ იუნაიტედში" მისი ყოფნის დროს ზოგიერთ ფეხბურთელს ჭარბი წონა აღენიშნებოდა.
თავის ავტობიოგრაფიულ წიგნში რიო ფერდინანდი დევიდ მოიესს იმის გამო აკრიტიკებს, რომ შოტლანდიელმა კვების რაციონიდან დაბალკალორიული კარტოფილი ფრი ამოიღო, რომელსაც "წითელი ეშმაკები" ჩვეულებრივ მატჩის წინა დღეს მიირთმევდნენ.
Four Four Two-სთან ინტერვიუში დევიდ მოიესმა კრიტიკას უპასუხა და განაცხადა, რომ მისი გადაწყვეტილება ფეხბურთელების მდგომარეობიდან გამომდინარე იყო.
"დიახ, მენიუდან შემწვარი კარტოფილი ამოვიღე. რამდენიმე ფეხბურთელს ზედმეტი წონა ჰქონდა და არ ვთვლი, რომ კარტოფილი მათ ხელს უწყობდა."
დევიდ მოიესმა ისიც განაცხადა, რომ მას არასდროს უთქვამს "მანჩესტერ სიტისთან" მარცხის შემდეგ, რომ მისი გუნდი "მანჩესტერ სიტის" მსგავსად უნდა თამაშობდეს.
"ასეთი რამ არასდროს მითქვამს. შესაძლოა ვთქვი, რომ ისე უნდა ვითამაშოთ, როგორც პრემიერ ლიგის ლიდერებმა, მაგრამ არასდროს ვიტყოდი, რომ "მანჩესტერ იუნაიტედი" "სიტობას" უნდა ესწრაფვოდეს." - განაცხადა მოიესმა.