კეინი, რომელმაც გასულ სეზონში 31 გოლი გაიტანა, ლუი ვან გაალის ერთ-ერთი სატრანსფერო სამიზნეა.
ჰოლანდიელი მწვრთნელი 21-წლის ფორვარდის თამაშით მოხიბლულია და მასში 40 მლნ. ფუნტის გადახდას აპირებს, თუმცა "ტოტენჰემს" ფეხბურთელთან განშორება არ სურს, ამიტომ არავითარ წინადადებას არ განიხილავს.
ჰარი რედნაპს კი, რომელმაც 4 სეზონი გაატარა "უაით ჰარტ ლეინზე", სჯერა, რომ ლონდონელები ფეხბურთელის შესანარჩუნებლად ყველაფერს უნდა ეცადნონ.
"თუ ჰარი კეინი "ტოტენჰემს" დატოვებს, ყველაფერი ცუდად წარიმართება. ეს "ტოტენჰემის" გულშემატკივრებს ცუდ სიგნალს გაუგზავნის.
არა მგონია, დანიელ ლევიმ ჰარის გაყიდვა ისურვოს. შესანიშნავად ხვდება, რას დამართებს ეს კლუბს.
"ვესტ ჰემში" ვიყავი, როცა რიო ფერდინანდი გაყიდეს და როცა ეს მოხდა, თითქოს ყველა ბანქო დაგვიცვივდა. შემდეგ ბევრმა ახალგაზრდამ დატოვა კლუბი.
ჰარი კეინი ძალიან პოპულარულია და მას ფანტასტიკური სეზონი ჰქონდა. მისი გაყიდვა კი კლუბის სამომავლო ამბიციებს ავნებს. ვერ ვხედავ ვერავითარ მიზეზს იმისა, თუ რატომ უნდა გააკეთონ ეს".