რობინ ვან პერსიმ ისაუბრა "მანჩესტერ იუნაიტედის" დატოვების მიზეზებზე და მადლობა გადაუხადა კლუბის აღმასრულებელ დირექტორს, ედ ვუდვორდს, "ფენერბახჩესთან" მოლაპარაკებების კარგად ორგანიზებისთვის.

"დადგა მომენტი, როდესაც მივხვდი, რომ ჩემს თავთან მართალი უნდა ვყოფილიყავი და მეღიარებინა, რომ ჩემი დრო "ოლდ ტრაფორდზე" იწურებოდა." - გადმოგვცემს ვან პერსის სიტყვებს "Sky Sports". "მე ნელ-ნელა დავიწყე ამ აზრთან შეჩვევა. ყველაფერი ერთ დღეში არ მომხდარა, ასე რომ საშუალება მქონდა რთული სიტუაციისთვის მზად ვყოფილიყავი. ეს ფეხბურთია, ასეთები ყოველთვის ხდება."

"ჩემი მხრიდან არ ყოფილა არანაირი უარყოფითი გრძნობა მოვლენების ესე განვითარებასთან დაკავშირებით. ეს ფეხბურთის ნაწილია, ცხოვრების ნაწილი. სტამბულში წასვლამდე ერთი დღით ადრე გუნდელებს დავემშვიდობე, ეს განსაკუთრებული შეხვედრა იყო. ვნახე, რომ კლუბში ნამდვილად მაფასებდნენ და ეს მნიშვნელოვანია ჩემთვის."

"ძალიან ვაფასებ "მანჩესტერ იუნაიტედის" დირექტორის, ედ ვუდვორდის მუშაობას. ის, თუ როგორ მოახდინა მან ტრანსფერის ორგანიზება - ეს მაღალი დონეა, უმაღლესი კლასი. ამ შეთანხმებაზე მუშაობისას მან დაამტკიცა, რომ ნამდვილი ჯენლტმენია. ედ, თუ მისმენთ, მინდა მადლობა გადაგიხადოთ."

წყარო: Manutd.ru