შოტლანდიის ჩემპიონმა "სელტიკმა" "მანჩესტერ იუნაიტედის" ახალგაზრდა ინგლისელი მცველი, ტაილერ ბლეკეტი სეზონის ბოლომდე იჯარით აიყვანა.
"წითელი ეშმაკების" აღზრდილს პირველ გუნდში დებიუტი გასულ სეზონში ჰქონდა. მცველების ტრავმიანობის წყალობით, ტაილერმა "იუნაიტედის" მაისურით პრემიერ ლიგის 11 შეხვედრაში მიიღო მონაწილეობა.
ამჯერად ლუი ვან გაალს მცველების დეფიციტი არ აქვს და სათამაშო პრაქტიკის მისაღებად ჰოლანდიელმა მწვრთნელმა 21 წლის ბლეკეტი გლაზგოში გააგზავნა.