ლუი ვან გაალი არ ფიქრობს, რომ დავიდ დე ხეამ "ლივერპულისა" და "მანჩესტერ იუნაიტედის" დაპირისპირებაში განსაკუთრებული თამაში აჩვენა.

"იუნაიტედის" კაპიტნის მიერ შეხვედრის დასრულებამდე 12 წუთით ადრე გატანილმა გოლმა "წითელ ეშმაკებს" მორიგი გამარჯვება მოუტანა "ენფილდზე".

დე ხეამ კი თავისი ოსტატობა კიდევ ერთხელ აჩვენა და "ლივერპულელთა" წინააღმდეგ ხუთი სეივი განახორციელა.

თუმცა ვან გაალი არ ფიქრობს, რომ ესპანელმა უჩვეულო რამ ჩაიდინა.

"ყველა იმას ამბობს, რომ მატჩის საუკეთესო ფეხბურთელი იყო, მაგრამ არცთუ ბევრი ბურთი აიღო, სხვა შემთხვევაში მეკარე არც გჭირდება.

ვფიქრობ, ამიტომაც არის ჩვენი მეკარე. უკვე ვთქვი, რომ უმაღლეს დონეს აჩვენებს, ასე რომ, ბედნიერი ვარ, მაგრამ ვერ ვიტყვი, რომ ბევრი გააკეთა.

მან აიღო ბურთები, რომლებიც უნდა აეღო. შესაძლოა, ის ბურთი, რომელიც ჯანს ცალი ხელით აუღო, მაგრამ, ჩემი აზრით, ისიც აუცილებლად მოსაგერიებელი იყო.

იმიტომაც თამაშობს "მანჩესტერ იუნაიტედში", რომ ასეთი ფეხბურთელია".

წყარო: goal.com