როგორც იცით, "იუნაიტედმა" "ბოქსინგ დეიზე" "ნიუკასლი" 3-1 დაამარცხა. ამავდროულად, მარკოს როხომ, რომელიც ტრავმირებულია, მოსინჯა თავისი შესაძლებლობები ბოულინგში. 24 წლის არგენტინელმა თავისი ინსტაგრამის ოფიციალურ გვერდზე სურათი განათავსა, სადაც მეგობარ გოგონასთან, ეუგენია ლუსარდოსა და სხვა ახლობლებთან ერთადაა. სურათს თან ახლავს წარწერა "Quien estara ganando", რაც ქართულად "ვინ გაიმარჯვებს?" ნიშნავს.
როხომ "იუნაიტედის" ბოლო სამი მატჩი გამოტოვა, მან ლივერპულთან მოგებულ თამაშში ტრავმა მიიღო. მცველისთვის, რომელიც მანჩესტერში ლისაბონის "სპორტინგიდან" ზაფხულში 16 მილიონი ევროს სანაცვლოდ გადაბარგდა, ეს პირველი ტრავმა არ არის ახალ კლუბში. მარკოსმა "წითლების" შემადგენლობაში სულ ათი მატჩი ჩაატარა
"ყველაფერი კარგად არის, მე უკვე შევეჩვიე ახალ გარემოს და ძალიან მომწონს ქალაქი. "იუნაიტედი" შეუდარებელია. თანაგუნდელებსაც შევეჩვიე და თამაშის ხარისხი ნელ-ნელა უმჯობესდება." - განაცხადა როხომ "იუნაიტედ რევიუსთან" საუბარში.