მანჩესტერ "იუნაიტედი" ერთ-ერთია იმ ინგლისური კლუბებიდან, რომლებიც დაინტერესებულნი არიან კიევის "დინამოს" ფეხბურთელის, ალეკსანდრ დრაგოვიჩის შეძენით. უკრაინელები ცენტრალურ მცველს 13 მილიონი ევროს სანაცვლოდ შეელევიან. წითლების კონკურენტები "არსენალი", "ლივერპული", და "ვესტ ჰემი" არიან. ცნობილია, რომ ლუი ვან გაალის მთავარი სამიზნე სატრანსფერო ფანჯარაზე "ბორუსიას" კაპიტანი, მატს ჰუმელსი იყო, მაგრამ ის მანჩესტერელებისთვის ხელმიუწვდომელია, ამიტომ ჰოლანდიელი სპეციალისტი დაცვის გასაძლიერებლად დრაგოვიჩის ვარიანტს განიხილავს.

დრაგოვიჩი 23 წლისაა. ის უკრაინაში 2013 წელს შვეიცარიული "ბაზელიდან" გადავიდა და 5 წლიანი კონტრაქტი გააფორმა "დინამოსთან". კიეველებმა უკვე უარყვეს "იუვენტუსის", "ზენიტისა" და "რომას" 10 მილიონიანი შეთავაზებები. ასე რომ, სავარაუდოდ დრაგოვიჩი, რომელიც ავტრიაში სერბულ ოჯახში დაიბადა, პრემიერ ლიგაში მოსინჯავს ძალებს.