ენტონი მარსიალს მიაჩნია, რომ "მანჩესტერ იუნაიტედში" გატარებული პირველი სეზონის განმავლობაში ჩატარებული მატჩების რაოდენობა მას ძალიან დაეხმარა ფეხბურთელად განვითარებაში, თუმცა ეს ჯერ კიდევ არ არის ყველაფერი, რასაც ის გუნდს შესთავაზებს.

20 წლის ფრანგმა ბოლო 10 მატჩში ყოველი წუთი გაატარა მოედანზე (ინტერვიუ ჩაწერილია "ასტონ ვილასთან" მატჩამდე), ჯამში კი მიმდინარე სეზონში ყველა ტურნირზე 43 მატჩში მიიღო მონაწილეობა, რომელთაგან 39 შეხვედრა სასტარტო შემადგენლობაში დაიწყო- მეტი, ვიდრე "მონაკოში" გატარებულ ორივე სეზონში ერთად.

ლუი ვან გაალი აცხადებს, რომ მარსიალის უფრო ხშირად დასვენებას ამჯობინებს, მაგრამ პრემიერ ლიგასთან მისი შეგუებისა და აქ ნაჩვენები თამაშის ფონზე ენტონი გუნდზე დიდ გავლენას ახდენს.

"ამას ნამდვილად არ ველოდი, მაგრამ ჩემი განვითარებსთვის ძალიან მნიშვნელოვანი იყო",

მწვრთნელმა ჩემდამი დიდი რწმენა გამოავლინა და ის ფაქტი, რომ ამდენ მატჩში მათამაშა, ფეხბურთელად ჩამოყალიბებასა და განვითარებაში დამეხმარა.

პირადი შეხედულებიდან გამომდინარე, მართლაც კარგად წარიმართა ყველაფერი. იყო შემთხვევები, როცა უკეთესად მოქმედებაც შემეძლო. შემეძლო, უფრო მეტი გოლი გამეტანა და უფრო მეტი საგოლე გადაცემა გამეკეთებინა. ახლა ჩემზეა დამოკიდებული წინსვლა, ასე რომ, გუნდის დახმარება მაქსიმალურად შემიძლია", - განაცხადა მარსიალმა "იუნაიტედის" ოფიციალურ ჟურნალთან საუბრისას.

ცენტრალური თავდამსხმელად თუ მარცხენა და მარჯვენა ვინგერად თამაშისას მარსიალი გუნდს სიმწვავეს, ბალანსსა და წინსწრაფვას მატებდა, ამ პროცესში კი 13 გოლი გაიტანა.

და მიუხედავად იმისა, რომ მარსიალისთვის ცნობილია პრემიერ ლიგაში არსებული მაღალი ტემპი და ამის გამო ფიზიკური მოთხოვნილებები, დარბაზში ვარჯიშს არცთუ ისე იწონებს.

"სიმართლე გითხრათ, დარბაზში სიმძიმეების აწევა არც ისე მსიამოვნებს- ამას ხშირად არ ვაკეთებ, მართლა. მხოლოდ მცირე რაოდენობით ვავარჯიშებს კუნთებს ტონუსში ყოფნისათვის, მაგრამ არა ხშირად.

ვშიშობ, რომ თუ ბევრ ვარჯიშს გავაკეთებ დარბაზში, ტანს ზედმეტად ავიყრი და სისწრაფეს დავკარგავ, ამიტომაც ლიმიტირებულად ვშრომობ და მუცლის კუნთების ვაძლიერებ".

წყარო: manutd.com