ლუი ვან გაალმა განაცხადა, რომ "კემბრიჯთან" მატჩში რობინ ვან პერსის შეცვლა წინასწარ იყო დაგეგმილი და მას არავითარი ტრავმა არ აქვს.
ვან პერსი გულშემატკივარს მიესალმა და შემდეგ 65-ე წუთზე გვირაბში შევიდა. როცა ვან გაალს ჰკითხეს, რატომ მოხდა, მან უპასუხა: "რობინს პირველი ტაიმის შემდეგ ვუთხარი: "60-70 წუთის შემდეგ შეგცვლი, რადგან მინდა "ვესტ ჰემთან" ითამაშო".
კვირაში სამი მატჩის ჩატარება ყოველთვის რთულია. 5 ფეხბურთელს დასვენების საშუალება მივეცი. მოგებული მატჩის შემდეგ კი შემიძლია ვთქვა, რომ კარგი გადაწყვეტილება მივიღე. მატჩის მსვლელობისას დავასვენე ვან პერსი და დი მარია და ასევე თამაშის მცირე დრო მივეცი ეშლი იანგს, რადგან ის ახლახანს დაბრუნდა."
რობინ ვან პერსიმ "იუნაიტედის" მაისურით 99-ე მატჩი გოლის გატანით ვერ აღნიშნა, თუმცა მეორე ტაიმში მის ნაცვლად შეცვლაზე შესულმა უილსონმა მოახერხა თავის გამოჩენა. "ვფიქრობ, მეორე ტაიმში უკეთ ვითამაშეთ. უფრო მეტი შანსი შევქმენით, მაგრამ ვერ გავიტანეთ. რობინს გოლის გატანის 4 შანსი ჰქონდა, თუმცა საერთო ჯამში მოხარული ვარ." - განაცხადა ვან გაალმა.