ლუი ვან გაალის კომენტარი "ასტონ ვილასთან" გამარჯვების შემდეგ.
ლუი ვან გაალი "ასტონ ვილას" დამარცხების შემდეგ "მანჩესტერ იუნაიტედის" ოფიციალურ ტელევიზიას ესაუბრა.
მთელი მატჩის მიმოხილვა"ჩვენი საუკეთესო თამაში ნამდვილად არ იყო და ამას თავადაც ნახავდით. ვფიქრობ, ზედმეტად ნელა ვითამაშეთ და ეს რთულიც იყო, რადგან ძალიან დაცვით და კომპაქტურად გვეთამაშნენ. ამიტომაც საჭიროა უფრო სწრაფი თამაში, ბურთის უფრო სწრაფად გადაადგილება და ასე შემდეგ. პირველ ტაიმში ორი გოლის გასატანად საკმარისი შანსები შევქმენით და ეს რომ მომხდარიყო, "ვილას" ფეხბურთელების მოტივაცია დაეცემოდა და მატჩიც უფრო ადვილი იქნებოდა. თუმცა ასე არ მოხდა- ვერ გავიტანეთ, საბოლოოდ კი კინაღამ ფრე ვითამაშეთ, რაც კარგი არ არის."
რეშფორდის ჭკვიანური გოლი"ძალიან კარგი მოძრაობა იყო, უნდა ვთქვა, რადგანაც პირველი ბურთისთვის შეირბინა და შემდეგ დასწრებაზე ითამაშა, დიდი სივრცე არ ჰქონდა. ანტონიო ვალენსიამაც კარგად ითამაშა, რომ ეს დაინახა, რეშფორდმა კი ძალიან კარგი და მნიშვნელოვანი გოლი გაიტანა."
რუნის თამაში"ის პასი (გოლის გატანის მომენტში) ფანტასტიკური იყო. ბევრ გრძელ პასებს აკეთებდა. ვფიქრობ, ძალიან კარგი პირველი ტაიმი ჩაატარა, მაგრამ მეორეში უკვე დაიღალა. ბურთს კარგავდა ზედიზედ რამდენიმეჯერ, მაგრამ ეს ლოგიკურია, როცა ორი თვე არ გითამაშია და არც გივარჯიშია. პრემიერ ლიგის რიტმთან შეგუება რთულია."
მატჩის მიწურულს "ვილას" გათანაბრება შეეძლო"მემფისსაც შეეძლო გატანა, როცა მეკარემ და ძელმა ბურთი აიღო. მატჩებს უფრო მალე უნდა ვასრულებდეთ. ეს რომ გაგვეკეთებინა, "ვილას" მოტივაცია დაეცემებოდა. მატჩის დასრულება უნდა შეგეძლოს, მაგრამ ჯერ კიდევ იყო მოტივაცია და "ვილას" გატანა შეეძლო."
წყარო:
manutd.com