"მანჩესტერ იუნაიტედის" მთავარმა მწვრთნელმა, ლუი ვან გაალმა იმაში დასარწმუნებლად, რომ თავისი ფეხბურთელები შობა დღეს სწორად იკვებებიან შეფ მზარეულები გამოიყენა, რომლებიც ფეხბურთელების სახლებში მივიდნენ და მოთამაშეებს სწორად კვება ასწავლეს.
სამზარეულოს ოსტატები "იუნაიტედის" ფეხბურთელებს დიეტის დაცვასა და საჭმლის მომზადებაში ეხმარებოდნენ.
ვან გაალმა ფეხბურთელებს შობა დღის ოჯახთან ერთად გატარების უფლება მისცა და ფეხბურთელები თავისუფალ დროს თურქული სამზარეულოს შესწავლასაც უთმობდნენ.
The Sun-ის წყარო იტყობინება: "ზოგიერთი ჩვენი ფეხბურთელი - მათ შორის პირველი გუნდის წევრები, ადნან იანუზაი და ლუკ შოუ - თინეიჯერულ ასაკში იმყოფებიან და საჭმლის მომზადება არ იციან. ასე რომ, ჩვენ გავგზავნეთ მზარეულები, რათა მათი მაცივრები გაგვევსო. მზარეულმა აუხსნა თუ რა უნდა გადაყარონ, რა არის ჯანმრთელი საკვები და რა არა."
"შემდეგ ისინი ხელახლა ავსებენ მაცივარს და ჯანსაღ საკვებს ამზადებენ. ფეხბურთელთა უმრავლესობას 30 ათას ფუნტიანი დიზაინის სამზარეულო აქვს, რომელიც "მიხელინის" რესტორანსაც შეშურდება, მაგრამ ზოგიერთი ძლივს იყენებს მიკროტალღოვან ღუმელს, რომ არაფერი ვთქვათ ღუმელზე."
წყარო იმასაც იტყობინება, რომ "მანჩესტერ იუნაიტედის" ფეხბურთელები რაიან გიგზის რესტორანში სადილობენ.