6-07-2016, 19:43

ავტორი: RojoDiablo,

ნანახია: 4098,

კომენტარები: 17

მოურინიო: "რატომ შევიძინე მხითარიანი"

ჟოზე მოურინიო ტრანსფერის მიზეზი ახსნა.

"მანჩესტერ იუნაიტედის" მთავარმა მწვრთნელმა კლუბის ოფიციალურ ტელევიზიას განუცხადა, თუ რატომ შეიძინა სომეხი შემტევი ჰენრიხ მხითარიანი.

მხითარიანის ტრანსფერი "ბორუსიადან" "იუნაიტედში" ოთხშაბათს დადასტურდა და ის მესამე ახალწვეულია მიმდინარე სეზონში.

ინტერვიუს მიცემისას მოურინიომ 27 წლის ფეხბურთელის შესანიშნავი შედეგები მიმოიხილა და მის უნარებზე ისაუბრა.

"პირველ ყოვლისა, ნება მომეცით ვთქვა, რომ ჩვენ მოვიყვანეთ ფეხბურთელი, რომელიც საფრანგეთის ჩემპიონატში საუკეთესოდ დასახელდა, შემდეგ კი მიკი, რომელიც ბუნდესლიგაში დაასახელეს საუკეთესოდ.

იგი აღიარეს არა გულშემატკივრებმა, არა ჟურნალისტებმა, არამედ მისმა კოლეგებმა და ეს უფრო ბევრს ნიშნავს, ჩემი აზრით, რადგან, როცა შენივე კოლეგები გირჩევენ, მეტად მნიშვნელოვანია.

მიკი ფანტასტიკური ფეხბურთელია და რაც ყველაზე მეტად მომწონს, უდავოა - გოლების რაოდენობა, რომელიც მან გაიტანა ნახევარდაცვაში თამაშით. ერთ სეზონში მის მიერ გატანილი გოლები ძალიან ბევრია მისთვის, ვინც თავდამსხმელი არ არის. საგოლე გადაცემების რაოდენობაც ძალიან ცხადია, რადგან მის კრეატიულობას, მის ხედვას, მის კოლექტიურ თამაშს უსვამს ხაზს და ჩვენი მსგავსი კლუბისთვის ეს ძალიან მნიშვნელოვანია.

დომინირებას ვეცდებით და შევძლებთ კიდეც. რა თქმა უნდა, დავუპირისპირდებით გუნდებს, რომლებიც დაცვიდან თამაშობენ და ასეთ დროს მისი უნარები ძალიან დაგვეხმარება. ბურთით და ბურთის გარეშე სიჩქარეს იცვლის და ეს ჩვენნაირი კლუბისთვის ძალიან მნიშვნელოვანია", - განაცხადა პორტუგალიელმა.